About Bundle
إيه هي الـFamily Diploma؟
هي دبلومة مخصصة لكل الناس اللي عايزة تحسن وتطور من علاقاتها بكل الناس اللي حواليها، هي باب العلاقات السعيدة بكل أنواعها ولكن تطبيقات الدبلومة بتستهدف في الأساس العلاقات الزوجية وتربية الأبناء، ومفتاح الدبلومة هو التواصل لإنجاح أي علاقة على وجه الأرض. علشان تنجح في أي علاقة في حياتك انت محتاج 3 مهارات الـFamily Diploma بتقدمهم:
1- انك تتعلم ازاي تتكلم وتوجه الرسايل صح عشان تبني علاقات مش تهدها
2- إنك تتحكم في الماضي ومتبقاش مجرد رد فعل لخطأ حصل في طفولتك أوفي علاقة سابقة
3- انك تعرف كل واحد فينا بيفهم وبيدرك الحب إزاي، وإيه اللي لما تديه يتحسب لك رصيد في العلاقة، وإيه اللي هيتحسب عليك
الدبلومة دي لمين؟
الدبلومة دي لأي حد لسه بيبتدي علاقة وعايز يبتديها صح
أوابتدى علاقة وباظت منه فعايز يصلحها
أو متجوز والمشاكل ابتدت تبوظ العلاقة
أو أب وأم بيواجهوا مشاكل مع أولادهم في التربية مهما كان عمرهم ومش عارفين يحلوها
أو لو حد بيشتغل في الإرشاد الأسري ومهتم بالجواز أو التربية
أو حد عنده تجربة قديمة ومأثرة بشكل واضح على علاقاته ومش عارف يتخلص منها
كل دول هيستفيدوا جدا من الدبلومة لأنها هتساعدهم يتعرفوا على نفسهم الأول ويتعاملوا معاها صح وبعدين يقدروا بسهولة يبنوا علاقات سليمة.
ليه الدبلومة دي مهمه؟
الدبلومة دي مهمة لأنك مش هتعرف تسعد بحياتك أو تعمل أي علاقة ناجحة مع اللي بتحبهم من غير ما يكون عندك المهارات اللي ذكرناها واللي بتقدمها الدبلومة. وده يفسر ليه بنلاقي أزواج بتحب بعض، وأهالي بتحب ولادها، وأولاد بيحبوا أهاليهم وأصحاب بيحبوا بعض ولكن كلهم مش عارفين يسعدوا بعلاقاتهم دي وبتكون النتيجة أن بدل ما العلاقة دي تكون مصدر سعادة بتكون مصدر تعاسه لدرجة الأنفصال أو أن الولد بعد ما كانت علاقتة بأهله قوية جدااا ممكن يقفل على نفسه بالأيام عشان يتجنب التعامل مع أهله، ولدرجة أن الأهالي من غير ما تشعر ممكن تدعي على ولادها.
عشان كدة الدبلومة دي مهمه جدا لأنك من خلالها هتسعد بعلاقاتك مع اللي حواليك!
هل الدبلومة دي نظريه بس ولا فيها جانب عملي؟
الدبلومة فيها جانب نظري بيشرح انت مخك شغال إزاي؟ وإزاي بتفكر؟ وإزاي بتتكون؟ وأنت ليه الشخص ده؟ وليه الناس مختلفين عنك؟ وعلى الرغم من أنه جانب نظري لكنه معاه تطبيقات كتيرة ومن الواقع علشان وأنت بتحضر الدبلومة تكون قادر وأنت بتسمع أنك تشوف كمان قصص حقيقية بتحصل في حياتك وتقدر تلاقي لها حلول لها وقت التدريب.
إيه المحاور الاساسيه اللي مبنيه عليها الدبلومة؟
3 محاور اساسية مبنية عليها الدبلومة عشان تتعلم منها 3 مهارات مهمه لأي علاقة ناجحه:
1- انك تبعت الرسايل الصح للأشخاص ودي واحدة من أكبر وأضخم المهارات وبتاخد من وقت التدريب 9 ساعات كاملة.
2- إزاي تعرف تتعامل مع عقلك فمتكونش رد فعل، وبالتالي الألم اللي جواك والتجارب السيئة اللي مريت بيها تبقى مسيطرة عليك، وعشان كدة الدبلومة بتساعدك انها ترجعك تاني للزيرو وكأنك لسه بتصيغ نفسك وبتتحكم في الألم اللي بقى مسيطر عليك فتبقى انت اللي بتتحكم فيه مش هو اللي بيتحكم فيك.
3- إنك تتعرف على الأنماط؛ اللي من خلالها بتقدر تعرف الناس مختلفين ليه وإزاي تكسبهم من قبل ما تبتدي معاهم علاقة؟ وإيه اللي هما هيقبلوه وإيه اللي مش هيقبلوه؟ إيه اللي ينفع تاخده من العلاقة دي وإيه اللي لا يمكن هتاخده فمفيش داعي تقرب منه.
الـ3 مهارات دول لو أنت شاطر قوووي في 2 وواحدة مش موجودة من المستحيل أنك تنجح وتسعد بعلاقة مهمه بالنسبة لك.
مين الأشخاص اللي بلاش يحضروا الدبلومة؟
أي شخص اعتاد أو مؤمن أو مقتنع بالحاجات دي: العنف، الخيانة، البخل، الإدمان (أي شيء مش شرط مخدرات)، السيطرة، أو الشخص اللي جاي الدبلومة عشان يأكد لنفسه أنه صح ومعندوش استعداد للتغيير.
الأشخاص دي محتاجه تحصل على علاج قبل ما تاخد الدبلومة لأنهم لو اخدوها من غير ما يتعالجوا من الأفكار والممارسات دي مش هيستفيدوا حاجه.
إيه هي النتايج اللي اتوقع إني احصل عليها من خلال الدبلومة؟
انك أولا هتفهم كل الأخطاء اللي بوظت علاقات كتيرررر حصلت ليه وإزاي؟ وبالتالي هتقدر تتفادها في علاقاتك الحالية أو المستقبلية.
هتعرف ايه المهارات اللي محتاج تشتغل عليها والمهارات اللي عندك بالفعل.
هتقدر تميز نمط الأشخاص اللي حواليك وبالتالي تعاملك معاهم هيكون بناءا على نمطهم والنتيجة إنك هتقدر تفهم الناس صح ومحدش هيفهمك غلط.
