المرحلة الأولى
“لما المسافة بينكم تزيد .. إيه اللي بيحصل جواك؟”
هذه المرحلة تقيس: الخوف من الهجر
لكن ما نكشفش اسم النمط قبل الإجابة؛ عشان ما نأثرش على إجابات القارئ.
تعليمات المرحلة
مفيش إجابة صح أو غلط.
اختار التصرف الأقرب ليك فعلًا، مش التصرف اللي شايف إنه المفروض يحصل.
طريقة الحساب:
أ = 0 نقطة | ب = 1 نقطة | ج = 2 نقطة | د = 3 نقاط
سجّل نقطة إجابتك أمام كل سؤال، وفي النهاية اجمع الخمس أسئلة.
السؤال 1
شريكك بقاله يومين مشغول أكتر من المعتاد، كلامه قليل ومشغول طول الوقت. إيه أول حاجة بتحصل جواك؟
أ — 0 نقطة
بفترض إن عنده ظروف وضغط، ومش بربط ده بعلاقتنا.
ب — 1 نقطة
باخد بالي من التغيير وبفتقد قربه، لكن بحاول ما أفسرش الموضوع.
ج — 2 نقطة
ببدأ أتساءل إذا كان في حاجة اتغيرت في مشاعره ناحيتي.(بشك بيحبني ولا لا)
د — 3 نقاط
بحس بقلق واضح وببدأ أخاف إنه بيبعد عني أو إن مشاعره اتغيرت.
السؤال 2
بعد خلاف بينكم، شريكك قال: “أنا محتاج شوية وقت لوحدي عشان أهدى”. إيه الأقرب لرد فعلك؟
أ — 0 نقطة
بتفهم، وبعتبر إن المساحة ممكن تساعدنا نهدى.
ب — 1 نقطة
بتضايق شوية، لكن بسيبه ياخد وقته.
ج — 2 نقطة
بفضل أفكر: هو محتاج وقت فعلًا ولا بدأ يبعد عني؟
د — 3 نقاط
بكون صعب عليّ جدًا أسيبه، وبحس إن طلب المساحة ممكن يكون بداية للابتعاد عني.
السؤال 3
لو شريكك خرج مع أصحابه أو قضى وقتًا ممتعًا من غيرك، إيه أقرب شعور؟
أ — 0 نقطة
طبيعي جدًا، وكل واحد محتاج حياته ومساحته.
ب — 1 نقطة
ممكن أغير أو أفتقده، لكن الموضوع مش بيشغلني كتير.
ج — 2 نقطة
ممكن أقارن: هل هو مستمتع معاهم أكتر مني؟
د — 3 نقاط
ممكن أحس إن وجود أشخاص تانيين في حياته بيهدد مكاني عنده.
السؤال 4
لو شريكك قال لك فجأة: “محتاج أغير شوية حاجات في علاقتنا”، إيه أول إحساس؟
أ — 0 نقطة
فضول أعرف إيه اللي محتاج يتغير وإزاي نصلحه.
ب — 1 نقطة
بقلق شوية، لكن بسمع كلامه.
ج — 2 نقطة
بخاف إن ده معناه إنه مش مرتاح في العلاقة زي الأول.
د — 3 نقاط
أول فكرة ممكن تيجي في بالي: “هو بيمهد إنه يبعد أو ينهي العلاقة.”
السؤال 5
حصل بينكم خلاف، وبعده تصالحتوا. لكن شريكك رجع لطبيعته بسرعة، بينما أنت لسه مش مرتاح تمامًا. إيه الأقرب ليك؟
أ — 0 نقطة
طالما اتكلمنا وحلينا المشكلة، أقدر أرجع لطبيعتي.
ب — 1 نقطة
بحتاج شوية وقت عشان إحساسي بالأمان يرجع.
ج — 2 نقطة
بفضل أراقب تصرفاته شوية عشان أتأكد إن كل شيء رجع زي الأول.
د — 3 نقاط
حتى بعد الصلح، بفضل خايف إن المشكلة تتكرر أو إنه يكون بدأ فعلًا يبعد عني.
احسب نتيجتك
اجمع نقاط الأسئلة الخمسة.
مجموعك من 15: ……
0–5 نقاط
🟢 مستوى منخفض
6–10 نقاط
🟡 مستوى متوسط
11–15 نقطة
🔴 مستوى مرتفع
❤️ نتيجتك في هذه المرحلة
لو حصلت على 0–5:
«المسافة مش معناها عندك الفقد»
غالبًا تقدر تفرق بين إن شريكك محتاج مساحة أو مشغول، وبين إن العلاقة نفسها مهددة.
وده بيساعدك تتعامل مع التغيرات الطبيعية في العلاقة من غير ما يتحول كل بُعد مؤقت إلى إنذار.
لكن: انخفاض الدرجة مش معناه إن علاقتك بالضرورة آمنة أو خالية من المشاكل.
لو حصلت على 6–10:
«أحيانًا المسافة بتقلقك»
في الظروف الطبيعية ممكن تكون متزن، لكن لما يحصل تغير في اهتمام شريكك أو قربه، ممكن يبدأ عقلك في البحث عن تفسير.
أحيانًا بتكون قادر تقول لنفسك:
“ممكن يكون مشغول.”
لكن جزء تاني جواك بيسأل:
“طب لو مشغول بيا أنا؟”
وده ممكن يخليك تحتاج وقت أو إشارات إضافية عشان ترجع تحس بالأمان.
لو حصلت على 11–15:
«البُعد ممكن يشغّل عندك إنذار الخطر»
لما تحس إن شريكك بيبعد، حتى لو البُعد مؤقت أو له أسباب واضحة، ممكن مشاعرك تتعامل مع الموقف كأنه تهديد حقيقي للعلاقة.
تأخر الرد، قلة الكلام، طلب مساحة أو حتى انشغال شريكك بحياته الخاصة ممكن يفتح أسئلة أكبر:
“هو لسه عايزني؟”
“هو بدأ يبعد؟”
“ممكن أخسره؟”
وساعتها ممكن تحاول تقرّب أكتر، تطلب تطمين، تراقب التغيرات أو تتمسك بالعلاقة بقوة أكبر.
المهم: ارتفاع النتيجة لا يعني إنك “متعلق زيادة” أو إن مشاعرك غلط.
هو فقط يشير إلى إن الخوف من فقدان العلاقة قد يكون له تأثير واضح على استجابتك العاطفية.
دي كانت أول قطعة من الصورة .. ولسه باقي 3.
طيب لما تتوجع من شريك حياتك …
بتواجه؟ ولا بتقفل على نفسك وتحميها؟
[اكتشف المرحلة الثانية ]
💡 في Harmony – Marriage Counseling & Training بنساعد الأزواج العرب حول العالم يبنوا زواج صحي قائم على التواصل بانسجام، من خلال اختبارات الانسجام الحصرية، وبرامج تدريبية عملية.
ولو عندك مشكلة محيراك ومش قادر تحلها مع شريك حياتك احجز استشارتك دلوقتي علشان تعيش حياتك الزوجية على أساس قوي وانسجام
